OKB: Shtetet të mos abuzojnë me masat kundër koronavirusit për të shtypur të drejtat e njeriut

Ekspertët e të drejtave të Njeriut të OKB sot u bëjnë thirrje shteteve të shmangin tejkalimin e masave të sigurisë në përgjigjen që ata kanë ndaj shpërthimit të Koronavirusit dhe u kujtojnë atyre se masat e emergjencës nuk mund të përdoren për të shkaktuar mosmarrëveshje.
Apeli i tyre i bën jehonë thirrjes së fundit të Komisionerit të Lartë të Kombeve të Bashkuara për të Drejtat e Njeriut për të vendosur #HumanRights në qendër të përgjigjes #CoronavirusOutbreak.
“Ndërkohë që ne njohim ashpërsimin e krizës aktuale të shëndetit si dhe jemi në dijeni se përdorimi i pushtetit të emergjencës lejohet nga ligji ndërkombëtar në përgjigje të kërcënimeve të rëndësishme, ne u kujtojmë shteteve urgjentisht që çdo përgjigje emergjente ndaj coronvirusit duhet të jetë proporcionale, e duhur dhe jo-diskriminuese.
Përdorimi i masave të emergjencës duhet të deklarohet publikisht dhe duhet t’u njoftohet organeve përkatëse të traktatit kur të drejtat themelore, përfshirë lëvizjen, jetën familjare dhe asamblenë, janë duke u kufizuar në mënyrë të konsiderueshme.
Kufizimet e marra për t’iu përgjigjur virusit duhet të motivohen nga qëllimet e ligjshme të shëndetit publik dhe nuk duhet të përdoren thjesht për të shkaktuar mosmarrëveshje.
Për të parandaluar që fuqi të tilla të ngurtësohen në sistemet ligjore dhe politike, kufizimet duhet të jenë të përshtatura mirë dhe duhet të jenë mjetet më pak ndërhyrëse për të mbrojtur shëndetin publik.
Ne i inkurajojmë shtetet të qëndrojnë të palëkundur në mbajtjen e një qasjeje të bazuar në të drejtat e njeriut në luftën kundër kësaj pandemie, në mënyrë që të lehtësojnë funksionimin e shëndetshëm të shoqërive në përputhje me ligjin dhe mbrojtjen e të drejtave të njeriut,” thanë ekspertët e OKB.