Një raport i Organizatës së Kombeve të Bashkuara ngre alarmin se organizata terroriste ISIS mund të kryejë sulme të reja deri në fund të këtij viti.
Mësohet se raporti bazohet në të dhënat e shërbimeve të inteligjencës të të gjithë vendeve anëtare.
Sipas raportit, janë 30 mijë luftëtarë të huaj që mund të jenë akoma gjallë dhe të gatshëm për aksion në të gjithë botën.
Dokumenti i OKB, nënvizon se Europa rrezikon të jetë një shënjestër kryesore e terroristëve. Alarmi bazohet në faktin që rreth 2 mijë europianë, të cilët iu bashkuan ISIS në Siri dhe Irak, mund të jenë rikthyer në kontinentin e vjetër.
Kalifati, sipas raportit të OKB-se, zotëron nga 50 deri në 300 milionë dollarë fonde.
