Me qëllim vaksinimin e qytetarëve, ministrja e Shëndetësisë, Ogerta Manastirliu ka nisur fushatën e re, ku do t’i vine në ndihmë kryebashkiakët.
I pari që i është përgjigjur nevojës për ndihmë të ministers ka qenë kryebashkiaku i Fierit, Armando Subashi.
“Askush nuk mund ta lërë për më vonë dhe kushdo që mendon që vaksina mund të bëhet edhe më vonë, është një risk për atë që është pranë tij. Ti mund të jesh i mbrojtur, por familjarët e tu ende nuk janë të mbrojtur. Ne do jemi në çdo fshat dhe zonë të largët por duke intensifikuar përpjekjet dhe duke pasur në krah bashkitë, duke filluar nga Fieri sot dhe duke mos ndalur çdo ditë. Unë do jem këtu bashkë edhe me kryetarët e bashkive. Aksion kombëtar për mbrojtjen e jetës”, deklaroi Manastirliu.
