Varianti i koronavirusit i zbuluar për herë të parë në Indi është përhapur në 53 shtete, sipas një raporti të Organizatës Botërore të Shëndetësisë. Gjatë javës së kaluar, numri i rasteve të reja dhe viktimave shënoi rënie, me rreth 4.1 milion raste të reja dhe 84,000 viktima- një rënie prej 14 përqind dhe dy përqind respektivisht.
Europa raportoi rënien më të madhe të rasteve të reja dhe vdekjeve në shtatë ditët e fundit, i ndjekur nga rajoni i Azisë Juglindore. Numri i rasteve të raportuara në Amerikë, Mesdheun Lindor, Afrikë dhe rajoni i Paqësorit Perëndimor ishin të ngjashëm me ato të raportuara në javën e mëparshme.
“Pavarësisht nga një rënie në numrin e rasteve globale gjatë katër javëve të fundit, incidenca e rasteve të Covid-19 dhe viktimave mbetet e lartë”.
