Banorët e 5 zonave në Tiranë vazhdojnë protestën para Kryeministrisë për të mbrojtur banesat e tyre. Deklaratat e tyre janë aq sa të vërteta edhe të dhimbshme pasi po mbeten në mes të katër rrugëve. Por ka qenë një vogëlush, i cili i ka prekur të gjithë në protestë, duke i bërë thirrje Ramës që të mos ua prishë shtëpitë.
“O xhaxhi Edi, mos na i prish shtëpiat, të lutem. Ne mezi i kemi bërë!Hajdeni çuna goca, sa më shumë, mblidhuni këtu! Dua grup, shpejt!”, u shpreh i mituri.
Kujtojmë se ditën e sotme në protestë kanë dalë dhe banorët e “Kodrës së Priftit” duke kërkuar rikthimin e projektit fillestar të “Unazës së Madhe”. Para pak ditësh kryeministri Rama u shpreh lidhur me këtë cështje teksa replikonte me një komentues në Facebook se banorët e prekur nga projekti i rindërtimit kanë marrë atë që u takon. Ata shprehen se nuk do të dorëzohen derisa të marrin një zgjedhje nga qeveria.
