Janë pezulluar nga detyra për nxjerrje informacionesh sekrete shefi i Krimeve në Cërrik Albjon Xhitozi dhe shefi i Komisariatit i këtij qyteti Bilal Semanaj.
Sipas raportimeve Xhitozi e Semanaj kanë nxjerr në media fotot e armëve të sekuestruara nga RENEA në një superaksion në Elbasan, në 1 korrik.
Ndërkohë gjatë paradites së sotme janë pezulluar nga detyra dhe dy zyrtarë të tjerë të policisë së Elbasanit, specialisti i Krimeve të Rënda E.Gjyli dhe inspektori i Krimeve të Rënda E. Hoxha.
Hetimet vijojnë ende për zbulimin e grupit kriminal që dyshohet se i posedon dhe mund t’i ketë përdorur në një sërë ngjarjesh kriminale.
