Në autobuse, shkolla, kafene e më së shumti në rrjetet sociale shqiptarët duken si një nga popujt me më shumë mirëqenie, nëse i referohemi veshjes. Marka të parballueshme për shqiptarin mesatar, si “Gucci”, “Phillip Plein”, “Dolce & Gabbana” i hasim rëndom, kudo. S’na i vrasin më sytë. Por jo pak herë ky fenomen i habit të huajt “naivë” që shprehen me habi: Shqiptarët të varfër?!
Megjithatë, poshtë këtyre shkronjave shqiptarët mbeten njëlloj të varfër, shpirtërisht. Por nëse deri më sot stiluesit e këtyre rrobatve nuk e kishin trazuar “botën e lumtur të imituesve”, dizajneri gjerman i Philipp Plein ka demaskuar shqiptarë e kopjues të tjerë në mbarë botën.
Në profilin e tij në Instagram ai ka publikuar fotografitë e disa prej atyre që jo vetëm kanë veshur imitimet e tij, por edhe e kanë etiketuar në fotografi.
E ku ua kishte marrë mendje se Philipp Plein do të merrej me ta!
“Kur je e gjitha e veshur me rroba false dhe etiketon gjithë firmat origjinale në foton tënde”, shkruan ai për vajzën shqiptare nga Mitrovica.
