Nusret Gokce është një prej kuzhinierëve më të famshëm në mbarë globin. Ai mori famë veçanërisht në vitin 2017, kur publikoi video në rrjetet sociale, duke treguar se si e gatuante steak otoman (osman), si dhe është i njohur për stilin e tij të veçantë të kryposjes.
Mes shumë njerëzve nga mbarë bota që dëshirojnë një drekë nga duart e tij, duket se këtë fat e patën disa fëmijë shqiptarë nga Kosova. Ata madje për disa minuta shërbyen si asistentë të kuzhinierit turk me famë botërore.
Në disa pamje që familjarët i kanë publikuar në rrjetin social Instagram, mund të shihen momente kur vogëlushët shqiptarë asistojnë Nusretin gjatë përgatitjes së një darke në ishullin Mykonos të Greqisë.
Në videot që familjarët etiketuan kuzhinierin, ky i fundit nuk hezitoi që t’i rishpërndajë ato në InstaStory, në rrjetin social ku ndiqet nga mbi 47 milionë njerëz nga anë e kënd bota.
Nusret, ndryshe është i njohur si nikoqir i shumë të famshmëve në restorantet e tij në vende të ndryshme të botës, ku ka mirëpritur emra të njohur si: Cristiano Ronaldo, David Beckham, Lionel Messi, Leonardo DiCaprio etj.
