Kryetari i ri i bashkisë së Durrësit, nuk shkëlqen.
Më së paku, ai nuk ka mësuar të shesë shpresë aq sa kryeministri.
Teksa inspektuan një pallat në Durrës, ku vetë ndërtuesi po bën riparimet e duhura, Edi Rama e pyeti Zhuljen Varfajn për numrin e familjeve që kanë marrë bonuesin e qerasë.
Bledi Cuci ndërhyn për ta nxitur të raportojë një shifër që është më bindëse.
Kur kryeministri e nxit bashkinë të komunikojë vetë me bankat për të ndihmuar banorët, kryebashkiaku i Durrësit e humbet sërish ritmin, duke njoftuar se kur do nxirren nga hotelet banorët e strehuar.
Kryetari i Bashkisë po ashtu flet përr refuzim lejesh ndërtimi, por kryeministri nxiton ta korrigjojë.
Kryeministri tha se pallatet e reja të dëmtuara do të riparohen nga ndërtuesit vetë, ndërsa ato të ndërtuara para viteve 90, do të jenë barrë e shtetit./abcnews.al
