Martesa e të birit me një grua të divorcuar, “detyroi” një 61-vjeçar që të vriste nusen dhe më pas të vetëvritej, paraditen e sotme në fshatin Roskovec të Fierit. Xhavair Hoxha 61- vjeç vrau me thikë bashkëjetuesen e djalit të tij dhe më pas i ka dhënë fund jetës duke u vetëvarur në një pemë.
Ai nuk pranonte lidhjen e të birit dhe nuk donte që ai të martohej me 30-vjeçaren Merushe Hazizi, pasi ajo kishte qenë më parë e martuar. Për këtë arsye ata janë konfliktuar, ku më pas Hoxha ka marrë thikën duke goditur Hazizi dhe duke e lënë të vdekur në vend.
Pritet të merren në pyetje familjarët, për të zbardhur detaje të tjera. Grupi hetimor ndodhet në vendngjarje dhe po punon për zbardhjen e rrethanave.
