Ai së bashku me disa të tjerë u vunë në pranga gjatë protestës në mbështetje të Sali Berishës. Reperi i njohur Arkimed Lushaj ose njohur ndryshe si Stresi ka reaguar sërish lidhur me arrestimin e tij në protestën e 8 janarit. Ai ka pranuar se ka marrë pjesë në protestën në mbështetje të Berishës, por ka mohuar të ketë kryer ndonjë vepër penale apo të ketë bërë një veprim të jashtëligjshëm.
“Kam marrë pjesë dhe nuk kam kryer asnjë veprim të paligjshëm. Nuk ka sjellë prova policia”, ka thënë këngëtari në dëshminë e tij.
Ditën kur u arrestua ai postoi një foto nga fugoni i policisë, ku shkruante se po arrestohet pa fakte.
“Nëse kam gjuajtur një gurë keni të drejtë me vepru po jo kot. Unë duhet të shoqërohem gjithmonë pa bo gjo? I bëj thirrje mediave”.
Me datë 8 janar ish-kryeministri Sali Berisha organizoi një protestë kundër kryedemopkratit Lulzim Basha. Të paktën 34 protestues u arrestuan në këtë protestë për shkak të dhunës së ushtruar në selinë blu.
