Në shtëpinë e Man.United është krijuar një atmosferë mbytëse, dhomat e zhveshjes gati po “shpërthejnë” dhe fajtori kryesorë sipas mediave angleze, është as më shume e as për pak, por C.Ronaldo. Një ditë më parë, mediat në ishull zbuluan se tek Man.United ekipi është ndarë në dy kampe, ata që mbështesin C.Ronaldo dhe ata që mbështesin kapitenin Maguire.
Pavarësisht këtyre zërave, trajneri Rangnick mohoi që të ketë një përplasje ndërmjet Ronaldos dhe Maguire. Rikthimi i yllit portugez në “Old Traford” nuk ka rezultuar aq i goditur, as për vetë lojtarin por as për klubin, dukshëm CR7 nuk është më ai i dikurshmi.
Së fundmi kundër tij ka dalë dhe një emër i madh i futbollit anglez, Jamie Carragher: “Rikthimi i tij ishte i gabuar, Man.United duhet ta shes”, theksoi Carragher, një deklaratë kjo që bëri xhiron në ishull.
