Pasditen e sotem kryedemokrati Lulzim Basha ka qenë i pranishëm në Mallakastrër.
Mes banorëve Basha duke u bërë thirrje qytetarëve ti bashkohen protestës së 11 Majit, është shprehur se fati i 15 viteve të Shqipërisë do të vendoset në atë protestë kombëtare.
Basha deklaroi se shqiptarët sot janë më të bashkuar se kurrë më parë, madje nuk më dallime as mes demokratëve dhe socialistëve.
“Sot jemi mbledhur në muzgun e tiranisë së krimit dhe në prag të rrëzimit të klikës së korrupsionit. Vonesën time ia dedikoj një lajmi të mirë që besoj e morët vesh nga mediat. Mikpritja madhështore e Mallakastrës. Për një pjesë të vonesës duhet të falenderojmë e them me ironi ia dedikojmë rrugës së mirëmbajtur nga qeveria.
Vëllezër dhe motra përballë njëra-tjetrës nuk ndodhet më Shqipëria blu dhe e kuqe, por Shqipëria kuq e zi është bashkuar, socialistët e brasktisur i janë bashkuar Partisë Demokratike se kanë të njëjtat halle me ne. Ne do ti japim fund zgjedhjeve me krimin që pjellin qeverinë me krimin, ne do ta lidhm fatin e çdo qeveritari vetëm me qytetarët. Parlamenti i ardhshëm do ta ketë të lidhur fatin vetëm me qytetarët. Një njeri i vetëm dhe 10 miqtë e tij kriminelë nuk mund të na mbajnë peng.
Shqipëria e frikës apo e Shqipëria e shpresës, Shqipëria e korrupsionit dhe e krimit apo Shqipëria e vërtetë, kjo është beteja që nuk i ndan, por i bashkon shqiptarët. Na bashkon në 11 shkurt. Mblidhuni më 11 maj të rrëzojmë qeverinë ilegjitime”, tha Basha.
