Mrekullitë nuk ndodhin, por ekzistojnë çdo ditë në vendin tonë dhe një aparat mund t’i përjetësojë. Në pak raste një imazh mundet ta përcjellë gjallërinë dhe bukurinë që natyra shqiptare fal në realitet, por ndonjëherë magjia përcillet tërësisht.
Dëshmi e qartë janë këto fotografi të realizuara në një nga 3 vendet më të errëta në Shqipëri, fshati Moglicë në malet midis Korçës dhe Gramshit nga Antonio Çakshiri.
“Rruga e Qumështit e fotografuar dje në mbrëmje rreth orës 23:00 në një nga 3 vendet më të errëta në Shqipëri, fshati Moglicë në malet midis Korçës dhe Gramshit. Fotografimi përmes ekspozimit të gjatë 15 sekonda”, shkruan Antonio Çakshiri.
