Duke sfiduar thirrjet e shumë deputetëve konservatorë për të dhënë dorëheqjen pas një ndryshimi të politikës ekonomike, kryeministrja britanike Liz Truss deklaroi se ajo nuk është mësuar të heqë dorë duke nënkuptuar se nuk ka ndërmend të dorëhiqet.
Ajo e dha këtë përgjigje pas një pyetjeje të kreut të Partisë Laburiste Keir Starmer në Dhomën e Komunave nëse do të mbetet në pushtet.
“Kam vepruar në interesin kombëtar për të siguruar që të kemi stabilitet ekonomik ,” shtoi Liz Truss.
Kryeministrja konservatore foli për herë të parë para deputetëve pas tërheqjes së masave ekonomike që kishte paralajmëruar dhe shkarkimit të “arkitektit” të minibuxhetit, Kwasi Kurteng. Siç raportohet nga BBC, deputeti laburist Justin Manders ishte i pari që kërkoi ndryshimin nga Liz Truss.
Duke përjashtuar çdo mundësi dorëheqjeje, Truss foli për paketën fiskale afatmesme, e cila do të fokusohet në tre pika dhe do të shpallet para datës 31 tetor. Kryeministrja konservatore u zotua gjithashtu të rrisë pensionet në bazë të inflacionit. Përveç kësaj, ajo siguroi deputetët britanikë se vendi i saj do të vazhdojë të qëndrojë pranë ukrainasve.
