Kryeministri Edi Rama e ka mohuar faktin që 6 dhjetori do të jetë një ditë pushimi në Tiranë, për shkak të mbajtjes së Samitit të BE. Sipas tij, ky është një lajm i rremë dhe puna do të vijojë normalisht.
”Nuk është marrë asnjë ditë pushimi, është lajm i rremë dhe puna do të vijojë normalisht. Për sa i përket masave të sigurisë janë masa sigurie dhe nuk negociohen nga askush.
Forcat tona punojnë me organizatorët e samitit që janë në fakt, në Këshillin e Evropës për masat e sigurisë dhe këto nuk janë çështje opinionesh dhe këto janë masa shumë të rrepta siguruara, aq më tepër që këtu do të vijnë liderët e be dhe për ata ka masa ekstreme sigurie sa herë lëvizin”, deklaroi Rama.
