Deputeti i Partisë Demokratike, Flamur Noka i ftuar në emisionin “Kjo Javë” në News24, ka folur për përçarjen në selinë blu dhe ndarjen e ligjvënëse në dy grupime. Noka tha se hapi i parë në shërbim të PD është bashkimi i të gjithë deputetëve në një Grup Parlamentar, ndërsa theksoi se kjo përçarje po mban në pushtet qeverinë Rama. Më tej, Noka i bëri thirrje Alibeaj të reflektojë së bashku me deputetët që bëjnë pjesë në grupimin e drejtuar nga ai.
Deputeti demokrat theksoi se ata nuk po u shërbejnë më demokratëve por qeverisë së kryeministrit Edi Rama.
“Hapi i parë që duhet bërë është Grupi Parlamentar të bashkohet. Janë të gjitha truke mediatike. Ku është çështja? Kur diskutoj këtë çështje ndjej dhimbje, kjo iu kushton demokratëve dhe mban në pushtet Edi Ramën. Nuk dua që asnjë individ i PD-së të jetë në shërbim të Ramës dhe mos të jetë në shërbim të shqiptarëve që e kanë votuar. Përpjekjet e vazhdueshme çdo deputet duhet të kthehet tek baza. Dera jonë është e hapur.
Alibeaj shpresoj të reflektojë. Alibeaj, Gaz Bardhi, Jorida Tabaku nuk i kanë shërbyer demokratëve. Ky është regjimi më gjakatar, hajdut që ka patur ky vend. Dhe ky ështe krimi më i madh që mund t’i bësh demokratëve. “
