Një studim i publikuar nga ‘Daily Mail’ tregon sesa keq ndikon në mbipeshë një shishe birre apo një gotë verë e konsumuar çdo ditë nga ne.
‘Një shoqëri e mirë dhe një verë e mirë’ është kjo ajo çfarë duam më së shumti në përditshmërinë tonë. Por kur kupton se ajo çfarë duam kthehet edhe në të keqen tonë, fillon dhe ndërgjëgjësohesh.
Studimi i realizuar në mbi 26 milion konsumues të birrës apo verës, ka treguar se konsumimi i përditshëm i një shishe birre apo qoftë një gotë e vogël verë rrit me 25 % rrezikun e mbipeshës.
Nëse specialistët e shëndetit thonin më parë se të pish në sasi të vogla (vetëm një gote vere/birre) ishte e sigurt, mirëpo tani hidhet poshtë ky argument pasi studimi fundit tregon qartë rrezikun jo vetëm të mbipeshës por edhe të diabetit apo edhe presionit të lartë të gjakut.
Pra ajo që na mbetet është të konsumojmë sa më pak alkool. Le të përpiqemi të jemi më të dashur me veten duke e mbrojtur atë nga rreziqet e servirura nga vet ne.
