Agron Llakaj me gjasë do të largohet nga “Vizion Plus”, ku prej kohësh prodhon dhe drejton spektaklin komik, “Al Pazar”.
Në një prononcim për revistën “Who”, Agron Llakaj tha që kapitulli i tij me “Top Channel” është vendosur në një kornizë të përjetshme, pra që i përket së shkuarës, arkivës.
Aktori dhe krijuesi i njohur thotë që ka oferta për t’u larguar nga “Vizion Plus”, me të dyja projektet e tij televizive, “Al Pazar”, por edhe për “Fake Off”.
Burime për “Panorama Plus” kanë treguar se Llakaj është në kontradikta me drejtuesit e “Vizion Plus” dhe ka shumë gjasa që fund të sezonit t’i thotë “mirupafshim” televizionit në fjalë.
Gjithsesi, duhet pritur se ku do të rishfaqet komiku i njohur.
