Largimi i rradhës, sulmuesi kosovar Besart Berisha ka konfirmuar largimin e tij nga Kombëtarja kuq e zi drejt asaj kosovare. Prej disa kohësh ai ka bërë kërkesën në FIFA që t’i lejohej kalimi tek përfaqësuesja e Kosovës.
Në një promocion ai ka shprehur dëshirën e tij për të qënë pjesë e Kosovës, duke shtuar se e ka të pamundur të bashkohet me skuadrën që në ndeshjen e saj të parë.
“Është e vërtetë që dëshira ime është të jem pjesë e përfaqësueses së Kosovës. Kam biseduar me trajnerin Albert Bunjaki rreth kësaj çështje. Për momentin jemi në pritje se çfarë do të vendosë FIFA. Aktualisht, në Australi është faza përgatitore deri në fund të muajit tetor dhe nuk kam mundësi të paraqitem në këto ndeshjet e para”, tha Berisha.
