Eugena Tomini, shefe e Epidemiologjisë në Institutin e Shëndetit Publik ka reaguar në lidhje me situatën shqetësuese për koronavirusin në vend.
Në një deklaratë për mediat, Tomini konfirmoi sërish se nuk ka asnjë rast të dyshuar me koronavirus në vend, ndërkohë që shtoi se janë marrë të gjitha masat në pikat kufitare.
Në lidhje me shoqërimin e një shtetase kinezeje me ambulancë për në spital, Tomini la të kuptohej se përgjigjet e saj nuk kanë dale ende.
“Janë testuar 17 raste të cilët kanë rezultuar të gjithë negative. Nga survejanca në kufij rezulton se janë kthyer 3500 udhëtarë. Por kryehet monitorimi i udhëtarëve. Ministria eSëhndetësisë rekomandon që personat që kanë udhëtuar nga rajonet e prekura të vetëkarantinohen për një periudhë 14 ditore.”- tha Tomini.
Dje ka qarkulluar një video se një shtetase kineze është marrë në urgjencë në Tiranë dhe dyshohej se ishte me koronavirus, kanë dalë rezultatet e analizave?
Tomini: Përditësimi aktual është ky që sapo raportova, do t’ju njoftojmë për të rejat që do kemi…
