Arnavutkoy është një ndër lagjet më të bukura të Stambollit.
Besohet se emri i kësaj lagjeje është vënë prej ushtarëve shqiptarë, të cilët thuhet se kanë luftuar në krah të sulltan Mehmetit në betejën për çlirimin e Stambollit.
Familjet e tyre u vendosën aty pas marrjes së qytetit nga ana e turqve. Arnavutkoy në shqip do të thotë “fshat shqiptar”. Sipas portalit turk “Star.com.tr”, kjo lagje ekzistonte edhe para çlirimit të Stambollit.
Arnavutkoy është nga lagjet më të bukura dhe më të shtrenjta sepse ka ruajtur arkitekturën e dikurshme.
Edhe bizneset e reja që janë hapur, mundohen t’i përshtaten strukturës së vjetër. Një fakt tjetër është edhe pika më e thellë e Marmarasë dhe e Bosforit, ndaj shpesh rrezikohet nga dallgët e larta.
http://www.gazetatema.net/2018/01/03/fotot-arnavutkoy-nje-shetitje-ne-lagjen-shqiptare-te-stambollit
