I ftuar në emisionin “Fol Me Mua Fol Me Ata” në Radio Televizionin Shqiptar ishte njeriu i teatrit shqiptar, Mihal Luarasi.
Në një rrëfim të rrallë, Luarasi kujton kthimin në Tiranë pas viteve të studimit në Hungari, ku vendosi në skenë veprat e mëdha botërore.
“Fillova të inskenoja vepra që ishin menduar ndryshe më parë, Traviata, një nga të parat që kam vënë unë në skenë, ata që e interpretonin thoshin: “Çfarë do ky?”, “Nga na erdhi ky tani?”, kujton Luarasi.
Gjithashtu, Luarasi sjell në këtë bisedë muajt, të cilat i ka kaluar në hetuesi, vitet e shumta në burg, për të cilat kujton çastet emocionale, kur vinin familjarët një herë në muaj.
Para viteve ’90, Luarasi del nga burgu dhe arrin të kthehet në teatër, kurse historia e tij e dashurisë me aktoren Edi Luarasi mbetet një histori e fuqishme, e denjë për t’u rrëfyer në romane.
https://www.youtube.com/watch?list=PL0XoaVRW0j7A7FbZQVJl4KysjJLi_8Xb2&v=WtFieRuBkLM
