Një adoleshent bëhet fëmija i parë në Britani që kurohet nga epilepsia falë një roboti. Billy Whitaker, 15 vjeç, kishte kriza të përditshme për shtatë vite me radhë. Operacioni i zakonshëm për të hequr një pjesë të trurit kishte dështuar.
Sipas gazetes britanike Mirror, neuro-kirurgët përdorën një robot të ri, që kushton 350 mijë sterlina, tamam si ato që përdoren në industrinë e makinave, për të ‘gërmuar’ me elektroda thellë në tru.
Mjekët arritën të gjejnë me saktësi epiqendrën e krizave.
Pas kësaj, kirurgët ndërhynë duke hequr pjesën e vogël të indeve që shkaktonte krizat.
Që prej operacionit dy javë më parë, Billy nuk ka pasur asnjë krizë dhe mjekët thonë se është kuruar përgjithmonë.
Neurokirurgu Michael Carter thotë: “Kishte pjesë të vogla në trurin e tij, që i shkaktonin këto kriza”. “Përdorëm një robot për të vendosur një seri me elektroda me precizion ultra të lartë, në këto pjesë të vogla të trurit, për të parë se nga vinin krizat”.
