Një kopsht publik në Tiranë është mbyllur ditën e djeshme pasi një prej punonjësve ka rezultuar pozitiv me koronavirus.
Mësohet se pozitive ka rezultuar një prej punonjësve të stafit mbështetës. Me daljen e rezultatit të testit, është marrë vendimi për pezullim të përkohshëm të këtij institucioni deri në përfundim të hetimit epidemiologjik.
Lidhur me këtë ka reaguar edhe kopshti privat me të njëjtin emër në kryeqytet i cili sqaron qytetarët, në rast keqkuptimi për shkak të emrit të njëjtë.
“Në rast se keni lexuar një lajm nëpër disa media online në lidhje me Kopshtin 4 Stinet, ju informoj sa më poshtë: Lajmi është i rreme. Lajmi i saktë i referohet Kopshtit SHTETEROR mbas pallatit me shigjeta ku ka rezultuar një person prej stafit me Covid-19. Fatkeqesisht ky kopësht shtetëror i është vënë emri “4 Stinet” 5 vite më parë, ndërsa ne operojmë si kopësht privat me emrin “4 Stinët”, prej 20 vitesh. Shpresoj t’ju kem sqaruar për këtë situatë të pakëndshme dhe skandaloze për disinformimin e qytetarëve”, thuhet në njoftim.
