“Përballë fyerjes, afrojmë dinjitet. Përballë pushtetit, destabilitetit dhe dhunës, zgjedhim Atdheun”
Dialog përballë arrogancës, ky është opsioni që ofron ligjvënësja e PDIU-së, Sekretare e Përgjithshme e kësaj partie, Mesila Doda. Përmes një mesazhi në facebook, ajo ka dhënë një përgjigje me sa duket, ndaj kryeministrit Rama, i cili u shfaq sot kundër pikave të paktit të propozuar nga PDIU për zgjidhjen e krizës politike.
“Përballë arrogancës, afrojmë kërkesën për dialog. Përballë fyerjes, afrojmë dinjitet. Përballë pushtetit, destabilitetit dhe dhunës, zgjedhim Atdheun”, shkruan ligjvënësja Mesila Doda.
PDIU ka paraqitur një platformë me disa pika të cilat parashikojnë zgjidhjen e krizës politike. Pakt Kombëtar e ka cilësuar PDIU dhe atje parashikohet edhe zgjidhja për zgjedhjet e lira, të cilat garantohen nga një polici dhe prokurori e posaqme për ruajtjen e votës. Por Rama e ka rrëzuar këtë pikë të paktit të propozuar nga PDIU.
