Një vajzë 21-vjeçare nga Anglia ka ndërruar jetë dhe familja e saj pretendon se shkak për fatkeqësinë është bërë koronavirusi. Chloe Middleton mendohet të jetë viktima më e re nga koronavirusi në Britaninë e Madhe.
Daily Mail shkruan se lajmin e ka bërë me dije familja e saj. Familjarët e saj konfirmuan për mediat që e reja nuk kishte pasur probleme të mëparshme shëndetësore. E ëma e vajzës, me anë të një postimi në llogarinë e saj në Facebook u ka bërë thirrje njerëzve që ta marrin situatën seriozisht.
Middleton shkruante: “Të gjithë njerëzit që mendojnë që është thjesht një virus i thjeshtë, ju lutem të reflektoni pasi po ju flas nga përvoja personale. Ky i ashtuquajtur virus i mori jetën vajzës sime 21-vjeçare.”
Në Britaninë e Madhe numri i personave të infektuar është 8,227, prej tyre 150 raste janë konfirmuar vetëm ditën e sotme. Si pasojë e koronavirusit kanë ndërruar jetë 427 persona, pesë prej të cilëve vetëm ditën e sotme.
