Në Tiranë një i moshuar 65-vjeçar ka bërë një gjest të pazakonshëm sot në Tiranë. Hajdar Bera u ngjit tek monumenti i Skënderbeut në qendër të Tiranës dhe me një pankartë në dorë bënte thirrje për drejtësi. Lutjet i adresoheshin kryesisht ambasadorit Donald Lu, personazh që është shprehur disa herë për Reformën në Drejtësi, me nota kritike ndaj gjyqtarëve.
Bera thotë se ka probleme me prokurorinë,por nuk po e zgjidh dot çështjen. Sipas tij, ngjitja tek monumenti i Heroit Kombëtar do tërheq vëmendje dhe do mund të marrë një përgjigje nga instancat përkatëse.
“Zoti Lu më ndihmoni! Zoti ambasador ndihmë të shpëtoj nga kjo drejtësi e korruptuar”, ishin fjalët që shkruheshin në pankartë, por dhe që thuheshin me zë të lartë nga Bera. Nuk zgjati shumë dhe një dedektiv policie iu afrua. Të tjerët pas tij negociuan dhe e zbritën 65-vjeçarin nga monumenti. Hajdar Bera u shoqërua nga policia pëtr të dhënë shpjegime mbi situatën në fjalë.
