Merkatoja e dimrit për futbollistët ka qenë e varfër për ekipet e mëdha.
Real Madrid e Barcelona në Spanjë, Mançester Siti e Junaited, por dhe Arsenal e Çelsi në Angli, Bajerni e Borusia në Gjermani, dhe Juventus e Napoli në Itali, nuk kanë bërë asnjë blerje të madhe këtë sesion merkatoje.
Kjo lidhet me kufizimet e fair play financiar të vendosur nga UEFA, por dhe shpenzimet e shumta të bëra në verë nga ekipet e mëdha.
Një arsye tjetër është fakti se në janar është e vështirë të gjesh lojtarë të rëndësishëm në merkato.
Ndaj, duket se këto ekipe goditjet e mëdha i kanë ruajtur për merkaton e verës.
