Ish-ministri Edmond Panarit ka komentuar rritjen e çmimit të naftës në Shqipëri, në një kohë që në tregjet botërore ka shënuar rënie. Në një postim në Facebook, Panariti shkruan se një litër naftë në tregun amerikan është më pak se 1 dollarë ndërsa në Shqipëri vazhdon me çmimin absurd të vendosur nga “Bordi i Transparencës”.
Ish-ministri shkruan se pavarësisht se shqiptarët janë të varfër, vijojnë ta blejnë naftën me çmim dyfish.
“Pra sot një litër naftë në tregun Amerikan është pak më shumë se 1 dollar, ose 120 lekë litri.
Po sot bordi fiksoi çmimin e naftës te ne, në 220 lekë litri.
Pra rreth dyfish më shtrenjtë për Shqiptarët e varfër!”, thekson Panariti.
