Një aksident tronditës ka ndodhur vetëm pak çaste më parë në zonën pranë ish-sheshit “Shqiponja”. Raportohet se ka qenë shoferi 43-vjeçar Petrit Rrapi që ka përplasur gruan, rreth 60 vjeçe, e cila nuk ka mundur t’u mbijetojë plagëve.
Rrapi po shoqërohet në ambientet e Komisariatit të Policisë Nr.2, për veprime të metejshme hetimore.
Tiranë/Informacion paraprak
Me datë 26.02.2021, rreth orës 12:00, në hyrje të rrugës “Abedin Rexha” mjeti me drejtues shtetasin P. Rr., 43 vjeç, ka aksidentuar një shtetase këmbësore, ende të paidentifikuar, rreth 60 vjeçe, i cili për pasojë ka ndërruar jetë.
Drejtuesi i mjetit po shoqërohet në ambientet e Komisariatit të Policisë Nr.2, për veprime të metejshme hetimore.
Vijon puna nga grupi hetimor për zbardhjen e rrethanave të ngjarjes.
