Tani që zgjedhjet parlamentare mbaruan, ku fitues janë socialdemokratët e udhëhequr nga Olaf Scholz kancelarja Merkel qëndron në detyrë, derisa të krijohet qeveria e re.
Angela Merkel pas zgjedhjeve është në post në mënyrë komisare, për aq kohë sa do të krijohet qeveria e re. Një limit kohor për këtë fazë nuk ka. Teorikisht Angela Merkel pra mund të jetë në post deri për Krishtlindje. Pas 17 dhjetorit 2021 ajo do të arrinte kësisoj edhe rekordin e kohës në detyrë si kancelare duke e tejkaluar edhe Helmut Kohl-in. Ky rekord do të ishte 5869 ditë.
Kompetencat e pushtetit të kancelares pas zgjedhjeve
Pas zgjedhjeve Angela Merkel lejohet të vazhdojë përkohësisht ushtrimin e detyrave. Ndër këto detyra bën pjesë edhe çështje të personelit. Pra ajo – teorikisht – mund të emërojë ose të shkarkojë ministrat.
Takimet e planifikuara për kancelaren gjithashtu duhet të realizohen. Sepse kaq shpejt nuk mund të krijohet qeveria e re. Ndaj me gjasë p.sh. Merkel do të shkojë edhe në takimin e fuqive kryesuese ekonomike, në samitin e G20 në fund të tetorit në Romë.
/Teksti i marrë nga DW/
