Kritikja më e madhe e bojkotit të opozitës ka reaguar për marrëveshjen Rama-Basha e cila i jep zgjidhje krizës politike dhe çon opozitën në zgjedhje. Përmes një mesazhi të shkurtër në Facebook, shoqëruar me një fotografi plot buzëqeshje, Majlinda Bregu ka dhënë kështu mesazhin e saj për marrëveshjen. Duket se ajo e ka pritur mirë këtë marrëveshje që i jep fund krizës politike në Shqipëri. Bregu ka kundërshtuar hapur vendimin e opozitës për të bojkotuar zgjedhjet dhe për këtë është sulmuar fort nga shumë kolegë e kolege të saj në grupin parlamentar të PD-së.
Një natë më parë, kryeminsitri Rama dhe kryetari i opozitës Lulzim Basha arritën marrëveshje për zgjidhejn e krizës, pas tri orësh bisedime në kryesinë e Kuvendit.
