Kompania ajrore japoneze “All Nippon Airways” (ANA) njoftoi sot se një prej avionëve të saj që po operonte një fluturim mes Los Anxhelesit dhe Tokios i është dashur të kthehej në gjysmë të fluturimit sepse një pasagjer kishte ngatërruar avionin.
Fluturimi NH175 i ANA-s me destinacion Tokyo Narita u nis nga Los Anxhelesi në orën 11:36 (19:36 GMT), por i është dashur të kthehej në gjysmë të fluturimit pas katër orësh, ndërkohë që fluturonte mbi Paqësor në jug të Alaskës duke u kthyer në pikën e nisjes në orën 19:32 (mercredi 03:32 GMT), sipas të dhënave të fluturimit në faqen e FlightAware.
“Sipas procedurave të sigurisë së kompanisë, komandanti i bordit ka vendosur rikthimin në aeroportin e nisjes, ku pasagjeri ka zbritur”, theksoi ANA në një komunikatë.
“Kalova tetë orë në një avion për asgjë. Pse duhet të dënoheshim të gjithë për gabimin e një personi të vetëm?”, shkruan e indinjuar në Twitter modelja amerikane, Christine Teigen, që ndodhej në bord me bashkëshortin, muzikant, John Legend.
https://www.ata.gov.al/soft-news-nje-avion-japonez-kthehet-ne-gjysme-te-fluturimit-pasi-nje-pasagjer-kishte-hipur-gabimisht/
