Në ditët e fundit vendi ynë është përfshirë nga shumë ngjarje kriminale, që rrisin pasigurinë dhe panikun tek qytetarët. Në lidhje me këtë çështje ka folur sot gjatë një interviste televizive ekspert i kriminalistikës Ervin Karamuço ka komentuar sot ngjarjet më të fundit kriminale që kanë ndodhur në vendin tonë. Ai u shpreh se rikthimi i krimit në vend, brenda javës tregon një dobësi të madhe të Policisë së Shtetit, meqë personat me rrezikshmëri të lartë, kanë lëvizur lirshëm në vend.
“Rasti i mbrëmshëm çon në tre pista, pista e parë mund të jetë për trafikimin e lëndëve narkotike, pista e dytë ka të bëj me mundësinë e rivalitetit të mafies së kromit, pasi personi ishte tregtar në një nga kompanitë e mineraleve dhe pista e tretë ka të ngjarë të bëj me grupet kriminale të ngjarjeve të vjedhjes në Rinas, dhe kjo na çon te ngjarja e Elbasanit.
Kemi të bëjmë më një përplasje të të dy grupeve që janë ndarë në dysh, dhe këto kanë krijuar një rivalitet mes vete, për të parë se kush janë personat e përfshirë në eliminimin e njërit grup ose tjetrit. Policia i ka marrë në konsideratë këto, dhe mund të ketë zbarkuar në Elbasan, për të parandaluar ngjarje të tjera kriminale që mund të vijnë nga kjo zonë. Këto që them janë të dyshuara si pista, janë hipoteza, por po hetohen në mënyrë paralele nga policia.
Brenda pesë ditëve në Shqipëri, dy ngjarje të rënda njëri për plagosje e tjetri për vrasje, për të dy viktimat që janë nën sisteme si persona ne kërkim, janë persona që kanë lëvizur lirshëm ne rrugë, me targa të huaj, me emra të tjerë, por që mund te binin lirisht në sy dhe kjo tregon një dobësi të madhe të policisë së shtetit në këto ditë të vështira”, tha ai.
Më tutje, eksperti Karamuço e cilësoi RENEA-n si repart elitë, por se sipas tij, nuk duhet futur në raste të tilla për patrullime, meqë asaj i humbet imazhi i krijuar.
“Nuk dua të paragjykoj por në këto raste kemi pasur prezencë të shtuar të RENEA-s, që nuk duhet përdorur në këto raste, janë përdorur dhe s’kanë treguar rezultat .RENEA është për neutralizime, por raste të patrullimeve nuk janë objekte të veprimtarisë së tyre, pra po e shpërdorojnë imazhin e tyre në këto aksione.”, tha ai.
