Prokuroria e Përgjithshme ka nisur hetimet ndaj pasurisë së deputetit socialist Alfred Peza. Deputeti i PS pritet të merret në pyetje nga dy prokurorë të caktuar me çështjen në ngarkim të tij.
Në prokurori është paraqitur dhe ish- bashkëshortja e Alfred Pezës, Adelina Toli, si dhe kreu i ILDKP, Shkelqim Ganaj.
Bëhet me dije se Ganaj ka kërkuar takim me Prokurorin e Përgjithshëm për rezultatet e hetimit administrativ. Peza është vendosur në hetim për shkak të dyshimeve për evazion fiskal, deklarim i rremë i pasurisë dhe falsifikim dokumentesh.
