Presidenti i Republikës, Bujar Nishani shpreh ngushëllimet për ndarjen nga jeta në mënyrë të parakohshme të gazetarit dhe analistit të njohur Andrea Stefani.
Nishani: Me ikjen e parakohshme nga kjo botë, Andrea do t’ju mungojë në mënyrë të pazëvendësueshme jo vetëm ju, familjes dhe njerëzve të dashur, por edhe kolegëve të tij gazetarë dhe analistë, sidomos shoqërisë civile shqiptare, ku ai dallohej gjithmonë për shpirtin luftarak dhe pasionin e pashtershëm, me të cilët luftonte e përpiqej për kauzat dhe bindjet e veta, pa bërë kompromis për asgjë që nuk i dukej e drejtë.
Humbja e Andreas është e trishtueshme për këdo, por ajo që e lehtëson sadopak dhimbjen është trashëgimia shpirtërore dhe intelektuale, që i shpalosi gjatë gjithë jetës dhe veprimtarisë së tij profesionale, duke nderuar familjen, si dhe duke pasuruar gazetarinë dhe aktivizmin civil shqiptar.
Shpirti i Andreas u prehtë në paqe!
Humb jetën nga një sëmundje e rëndë, gazetari dhe analisti i njohur, Andrea Stefani
