Presidenti i përgjigjet ish-kryeministrit Berisha i cili kërkoi shkrirjen e parlamentit
Presidenti i Republikës, Bujar Nishani i është përgjigjur thirrjes së ish-kryeministrit Berisha për shkrirjen e Parlamentit. I pyetur nga gazetarët kreu i shtetit, Nishani ka deklaruar se në çdo rast Presidenti do të veprojë mbi bazën e Kushtetutës.
“Prerogativat, detyrat dhe angazhimet e Presidentit të Republikës janë qartazi të përcaktuara në Kushtetutë. Kështu që në çdo rast dhe në çdo rrethanë Presidenti do të ndjekë dhe do të zbatojë kushtetutën dhe vetëm Kushtetutën.”
