“Kanë skaduar të gjtiha afatet kushtetuese dhe në kushtet aktuale opozita nuk bëhet dot pjesë e zgjedhjeve. Në se do të ketë një kompromis për zgjidhjen e krizës, atëherë mblidhet parlamenti dhe vendos të shtyhet data e zgjedhjeve dhe kjo mundëson përfshirjen e opozitës në proces”
“Kanë skaduar të gjtiha afatet kushtetuese që opozita të mund të hyjë në zgjedhje. Kështu deklaroi presidenti i republikës, Bujar Nishani, në një intervistë me gazetarin Enkel Demi në TVSh në emisionin “Fol me Mua Fol me Ata”.
I pyetur se sa mundësi ka opozita të hyjë në zgjedhje, presidenti deklaroi se vetëm shtyrja e datës së zgjehdjeve përmes kompromisit do ta mundësonte një gjë të tillë.
Kreu I shtetit sqaroi se shpreson se kriza do të zgjidhet por për ta arritur këtë duhet të ketë kompromis. Në rast se do të kishte komprimis do të ishte parlamenti që do të mudnësontë kushtet ligjore për të shtyrë datën e zgjedhjeve dhe për këtë kreu i shtetit theksoi se dekreti për datën 18 qershor bëhet i pavlefshëm pasi del dekreti tjetër i legjitimuar nga parlamenti.
