Arben Ahmetaj Ministër të Financave, Milva Ekonomi, ministre e Ekonomisë
Presidenti Nishani dekretoi sot Arben Ahmetajn në postin e ministrit të Financave dhe Milva Ekonomin në postin e Ministres së Ekonomisë. Pas një konflikti njëjavor me kryeministrin presidenti ka vendosur të dekretojë ndryshimet në qeveri.
Një javë më parë Rama vendosi të shkarkojë Shkëlqim Canin nga posti i ministrit të Financave dhe në vënd të tij emëroi Arben Ahmetajn. Në vënd të Ahmetajt te Ekonomia, emëroi Milva Ekonomin. Por Nishani dekretoi vetëm shkarkimet dhe jo emërimet e reja dhe për këtë hyri në konflikt me kryeministrinë. Pas kësaj qeveria ka reaguar me kërcënim me shkarkim të presidentit. Ndërsa presidenti Nishani ka deklaruar se para se të dekretoje emërimet e ministrave të rinj, parlamenti duhet të miratojë dekretin e tij për shkarkimet. Për këtë presidenti i është drejtuar edhe Gkykatës Kushtetuese. Ndërkohë që dukej se beteja e tij me kryeministrin do të zgjaste referuar edhe ankimimit në Gjykatën Kushtetuese, presidenti Nishani ka miratuar dekretin e emërimit të ministrave të rinj.
