Kriza e rritjes së çmimeve të karburantit dhe të produkteve të tjera ka prekur prej ditësh Shqipërinë. Fakt është që çmimi i naftës në bursën ndërkombëtare është rritur gjatë ditëve të fundit, gjë e cila është reflektuar edhe në Shqipëri.
Megjithatë stabilizimi i tregjeve ndërkombëtare ka nisur të sjellë ndryshime dhe në çmimin e karburanteve në vendin tonë. Nga sot dhe në vazhdim vlera e një litri karburant në treg do të jetë si më poshtë:
Diezel 223 lekë
Benzine 95 223 lekë
Benz.100 245 lekë
Gazi nuk ndryshon.
Qeveria nga ana e saj ka njoftuar ngritjen e një bordi të posaçëm që do të kryejë monitorime dhe do të marrë masa për moslejimin e abuzimeve me çmimin e karburanteve.
Pavarësisht se çmimi është ulur përsëri mbetet i papërballueshëm nga familjet shqiptare. Kujtojmë që dhe çmimet e produkteve të shportës janë rritur ndjeshëm.
