Në Qendrën e Numërimit dhe Rezultateve në Kosovë (QNR), sot do të nisë numërimi i votave me kusht dhe i personave me nevoja të veçanta, për raundin e dytë të zgjedhjeve lokale.
Lajmi e bën të ditur zëdhënësi i KQZ-së, Valmir Elezi.
“Sot (18 nëntor, ora 16:00) në Qendrën e Numërimit dhe Rezultateve do të fillojë numërimi i votave me kusht dhe votave të personave me nevoja të veçanta, të cilat u takojnë raundit të dytë të Zgjedhjeve për Kryetarë të 21 Komunave që u mbajt më 14 nëntor.”
Kujtojmë se dy ditë më parë në QNR, ka përfunduar numërimi i votave të diasporës. KQZ pas numërimit të votave me kusht dhe personave me nevoja të veçanta, brenda disa ditëve pritet të shpallë rezultatet përfundimtare të raundit të dytë.
