Kombëtarja shqiptare do të zbresë në fushën e lojës mbrëmjen e sotme, për duelin e parë miqësor përballë Izraelit. Sfida e cila do të zhvillohet në stadiumin “Air Albania”, do të nisë prej orës 20:00.
Të martën kuqezinjtë zhvilluan dhe përgatitjet e tyre të fundin nën udhëheqjen e trajnerit Rolando Maran, me përjashtim të Myrto Uzunit. Sulmuesi po kalon një gjendje gripale dhe prania e tij në fushë do të vlerësohet nga stafi mjekësor.
Pjesa tjetër e grupit është e plotë, të gatshëm për të dhuruar një performancë bindëse në drejtimin e një trajneri të ri.
Kujtojmë se tre ditë më vonë, pra të shtunën, Kombëtarja do të zhvillojë dhe testin tjetër miqësor përballë Luksemburgut, në të njëjtin orar dhe stadium.
Këto duele do të shërbejnë për trajnerin Maran për t’u njohur akoma më mirë me grupin që ka në dispozicion si dhe për të patur ide më të qarta për kualifikueset e ardhshme të Europianit, duke filluar me ndeshjet e Ligës së Kombeve që do të zhvillohen në muajin shtator.
