Kryeministri kosovar Isa Mustafa, ka hapur mbledhjen e përbashkët të dy qeverive, të Kosovës dhe Shqipërisë. Mbledhja po mbahet në Biblioktekën Kombëtare, të Kosovës.
Kryeministri Isa Mustafa informoi në këtë mbledhje për raportet me Malin e Zi dhe Serbinë.”Jemi për dialog me të gjithë dhe në çdo kohë pra ne jemi në dialog dhe me Serbinë. Vlerësojmë se heqja dorë nga dialogu me të tjerët është kthim në monolog anhistorik dhe përjashtim i procesve progresive të cilat na kanë sjellë në këtë shkallë zhvillimi dhe në këtë dimension të faktorizimit si dhe në këtë nivel të integrimit shqiptar. Ne jemi për fqinjësi të mirë dhe normale me të tjerët, pra ne jemi korrekt dhe në qasjen me Malin e Zi rreth demarkacionit të kufirit. Nuk konsiderojmë se po ia falim apo po i marrim asnjë metër katror Malit të Zi por vetëm po shënojmë vijën e mëparshme administrative dhe atë po e shënojmë në vijë kufitare mes dy shteteve sovrane”, tha Mustafa
