Komiteti Teknik i Eksperteve, i ngritur për situatën e pandemisë në vendin tonë, ka nisur një mbledhje urgjente këtë të mërkurë në ambientet e Ministrisë së Shëndetësisë.
Në këtë takim pritet që ti rekomandohen qeverisë masa të rreja për një mbyllje edhe më të rreptë të ndalimqarkullimit, bizneseve dhe aktiviteteve të tjera. Gjatë javëve të fundit përkundër trendit në Europë, Shqipëria, ka shënuar një rritje të madhe të numrit të infeksioneve.
Kryeministri Edi Rama dhe Akademia e Shkencave paralajmëruan ditën e djeshme për një mbyllje tjetër, por teknikalitetet do të vendosen sot në mbledhjen e Komitetit, e cila është në vazhdim e sipër.
Pritet që të ketë një shtrirje në kohë edhe më shumë të orës policore si dhe ndëshkime më të forta për shkelësit e rregullave.
