Me zbutjen e pandemisë, ka rënë dhe interesi i qytetarëve për t’u vaksinuar. Por qeveria vazhdon me urdhrin e saj se duhet të vaksinohen të gjithë qytetarët, për këtë arsye ka filluar “gjueti” për të evidentuar ata që ende nuk kanë marrë asnjë vaksinë. Kështu, autoritet shëndetësore kanë caktuar koordinatorë në çdo qendër shëndetësore të cilët identifikojnë qytetaret e pavaksinuar.
Sipas të dhënave të Ministrisë së Shëndetësisë, deri më tani vetëm 35 % e të rinjve 18-24 vjeç janë vaksinuar me dozë të parë, të tjerët e kanë refuzuar vaksinën anti Covid . Të gjithë mjekët e familjes janë porositur të bëjnë punë bindëse me pacientët për t’u vaksinuar në mënyrë që mbulesa vaksinale të arrijë në 70%.
Janë vetëm 266.894 qytetarë, të cilët janë vaksinuar me dozë të tretë ndërkohë që muajt kalojnë dhe mbrojtja imunitare bie. Ndaj ekspertët rekomandojnë për të gjithë ata që kanë kaluar 6 muaj nga doza e dytë duhet të bëjnë dozën buster. Por kështu, ata të cilët ende nuk kanë bërë dozën e parë apo të dyte në mënyrë që edhe nëse nën variantin “Omicron Ba2” është i pranishëm, të mund ta kalojnë me simptoma të lehta.
