Paulin Luli është kandidati i Partisë Socialiste në Pukë. Ai ka nisur prej ditësh fushatën elektorale për zgjedhjet e 18 qershoruit, në takime me elektoratin në Pukë e Fushë-Arrëz, si dhe në fshatrat përreth. Luli ka prezantuar programin dhe platformën e tij për këtë zonë si dhe ka publikuar posterin, ku kandidon si përfaqësues i PS-së , nën sloganin “Për Shqipërinë që duam”.
Po ashtu, edhe mëngjesin e sotëm, deputeti Pjerin Ndreu ka shkruar një mesazh në facebook se investime madhore po bëhen për banorët dhe për këtë vlerësoi kontributin e Lulit, si kandidati që po fiton besimin e gjithë zonës.
Mësohet se Luli ka përfunduar akademinë e policisë në vitin 1991 dhe ka lënë Gjermaninë ku ushtronte një veprimtari biznesi të suksesshme në fushën e automjeteve, për të kandiduar për Partinë Socialiste.
Po t’i hedhim një sy profilit të Lulit në facebook, vihet re jeta e tij në Gjermani, kryesisht në Dresden, Leipzig etj.
Mesa duket, biznesmeni ka vendosur ta lerë jetën atje dhe t’i përkushtohet vendlindjes së tij, duke iu përkushtuar politikës përmes Partisë Socialiste.
