Ministrja e Arsimit, Lindita Nikolla zhvilloi sot një takim me homologun e saj të Kosovës, Shyqiri Bytyqi.
Nikolla deklaroi se brenda dhjetorit do të ketë një raportim transparent për publikun mbi vlerësimin dhe akreditimin institucional të universiteteve realizuar nga agjencia britanike në Shqipëri.
Ministrja theksoi se integrimi dypalësh i politikave arsimore midis Shqipërisë dhe Kosovës ka rëndësi të veçantë.
Ministri i Arsimit, Shkencës dhe Teknologjisë, Shyqiri Bytyqi shprehu gatishmërinë për vijimin e mëtejshëm të bashkëpunimit midis dy vendeve.
“Bashkëpunimi midis dy vendeve në fushën e arsimit është shumë i rëndësishëm dhe do të vijë duke u forcuar në vijim. Kosova dhe Shqipëria kanë bashkëpunuar në çështjen e kurrikulave dhe ajo çfarë mbetet prioritare midis dy dikastereve në vijim është rritja e cilësisë në fushën e arsimit” deklaroi ai.
