Një grup të rinjsh po marshojnë ditën e sotme nga sheshi “Nënë Tereza” duke përshkruar Bulevardin “Dëshmorët e Kombit” me qëllim sensibilizimin e shoqërisë në mbrojtje të klimës.
Të rinjtë me pankarta në duar “Vepro tani për klimën” bëjnë thirrje “Mbill pemë, mos mbill beton” duke u sensibilizuar edhe me vende të tjera të Europës dhe botës ku me miliona njerëz kanë dalë në sheshe e rrugë me mesazhe ndaj poltiikës që të gjejë një zgjidhje për ndotjen e klimës dhe parandalimin e ngrohjes globale.
Tema të tilla janë diskutuar edhe në Asamblenë e Kombeve të Bashkuara, ndërkohë që vlen të theksohet se edhe vendi ynë ka nënshkruar nismën e vendeve të Europës për mbrojtjen e klimës.
