Miliona amerikanë po përjetojnë temperaturat më të ulta që janë regjistruar ndonjëherë, kjo si pasojë e një masë ajrore të ftohtë që vjen nga Arktiku dhe që është përhapur në të gjithë vendin.
Shtetet e Ilinoit, Miçiganit dhe Uiskonsit kanë shpallur gjendjen e jashtëzakonshme. Dimrat me temperatura tejet të ulta janë diçka normale për Çikagon, por parashikuesit e motit thonë se banorët mund të përballen me temperaturat më të ulëta të regjistruara ndonjëherë në qytet.
Në Mineapolis temeraturat pritet të arrijnë në minus 40 gradë Celsius, në Çikago në minus 30 gradë, por duke llogartitur erën në Çikago, temperaturat ndjehen sikur të jenë minus 46 gradë Celsius.
